Tschertgà: patrunas e patruns per istorgias da success

Pudair applitgar las atgnas abilitads ed ils agens talents en in'activitad professiunala per gudagnar la vita – quai è ina da las finamiras persunalas principalas da fugitivas e fugitivs e da persunas admessas provisoricamain en Svizra. Quai declera lur ferma motivaziun e lur premura extraordinaria, cun las qualas la gronda part prenda per mauns la via professiunala.

A las patrunas ed als patruns dal chantun Grischun porschan las fugitivas ed ils fugitivs renconuschids e las persunas admessas provisoricamain in grond potenzial da forzas da lavur. Bleras persunas fitg motivadas e plain veglia d'emprender spetgan da survegnir ina schanza en Vossa interpresa e d'avair la pussaivladad da sa sviluppar e da sa cumprovar sco forza da lavur preziusa. Gidai a scriver istorgias da success persunalas e commerzialas cun sustegnair l'integraziun professiunala d'ina fugitiva u d'in fugitiv renconuschì u d'ina persuna admessa provisoricamain.

Sin questas paginas chattais Vus infurmaziuns davart las differentas pussaivladads che Vus avais e davart il sustegn che Vus pudais quintar da survegnir.

Voss team dal Post spezialisà per l'integraziun