La promoziun da l'integraziun linguistica, professiunala e sociala da fugitivas e fugitivs sco er da persunas admessas provisoricamain è ina da las incumbensas centralas dal Post spezialisà per l'integraziun.

Nus accumpagnain umans daventads fugitivs cun mesiras individualas ed orientadas a las resursas. Uschia als preschentan schanzas e perspectivas. Els duain pudair ir lur via d'integraziun persunala en moda independenta ed intenziunada e chattar lur plazza en nossa societad.

A nossas partenarias e noss partenaris en tut il chantun (patrunas e patruns, voluntarias e voluntaris, purtaders da projects) purschain nus prestaziuns da cussegliaziun e da sustegn fidablas e flexiblas. Cun Voss engaschament purschais Vus ina contribuziun impurtanta ad ina buna convivenza en la diversitad en il Grischun.

L'integraziun da fugitivas e fugitivs sco er da persunas admessas provisoricamain è ina incumbensa da l'entira societad – a favur da tut la societad. Nus la pussibilitain ensemen.

Voss team dal Post spezialisà per l'integraziun