L’engaschament per la societad civila è il motor per l’integraziun reussida da fugitivas e fugitivs che han chattà qua en il Grischun ina nova patria. Inscunters persunals porschan grondas schanzas tant a las persunas che fan lavur voluntara sco er a las persunas che han stuì fugir. En quest connex èsi impurtant da sa tschentar las dumondas davart las spetgas persunalas, il stadi psichic, il temp disponibel ed ils cunfins da l’engaschament. Las respostas gidan da concepir l’in cun l’auter ch’è caracterisà da stima vicendaivla. Co e nua che Vus pudais contribuir e tge ch’è er anc da resguardar, vegnis Vus a savair qua.