தெரிந்திருப்பது நல்லது
இங்கு நீங்கள் வித்தியாசமான கேள்விகளுக்கான மேலும் பயனுள்ள தகவல்களைக் காணலாம்.
வெற்றிக்கு எனது பங்களிப்பு என்ன?
மொழியை அறிந்திருத்தல்
உங்களது டொச் மொழி அறிவை மேலும் தொடர்ந்து விருத்தி செய்யுங்கள்! உதாரணமாக உங்கள் பாடங்களை ஒழுங்காக மீளவும் கற்றுக்கொள்வது, டொச் மொழிப் பத்திரிகையை மற்றும் தொலைக்காட்சியை உபயோகித்துக் கொள்வது, இந்த நாட்டவருடன் தொடர்பைத் தேடிக் கொள்வது போன்றவை ஊடாக. பரஸ்பர புரிந்துணர்வு எப்போதும் முக்கியமானது என்பதுடன் அது புதிய சந்தர்ப்பங்களை தோற்றுவிக்கின்றது.
நேரம் தவறாமையைக் கடைப்பிடித்தல்
நீங்கள் ஏற்கனவே ஒத்துக்கொண்ட நேரத்தை தவறாது கடைப்பிடியுங்கள். உங்களுக்கு வேறு முக்கிய அலுவல்கள் இருப்பின் அல்லது குறிக்கப்பட்ட நேரத்தைக் கடைப்பிடிக்க முடியாது போனால், நேரகாலத்துடன் அதுகுறித்து அறிவித்துக் கொள்ளுங்கள்.
நம்பகத்தன்மையுடன் இருத்தல்
சேர்ந்து எடுத்த முடிவுகளைக் கடைப்பிடியுங்கள். ஒரு குழுவில் கட்டாயம் ஒருவர் ஒருவரில் நம்பகத்தன்மையுடன் இருத்தல் அவசியம்.
கிடைக்கும் சந்தர்பங்களில் மகிழ்வடைதல்
தொழிலகங்களில் உங்களுக்கு சந்தர்ப்பங்கள் கிடைக்கும்போது, உங்களது திறமைகள் மற்றும் எதை நீங்கள் அடைய விரும்புகிறீர்கள் என்பதை வெளிப்படுத்துங்கள். உற்சாகமுடைய, விருப்பமுள்ள மற்றும் சந்தர்ப்பங்களில் மகிழ்வடையும் நபர்களுக்கு விரைவில் ஆச்சரியமூட்டும் வேலைவாய்புகள் கிட்டலாம்.
பொறுப்புணர்வுடன் இருத்தல்
ஒவ்வொரு உத்தரவுகளையும் மிகச் சிறந்த புத்தியுடனும் தெளிந்த அறிவுடனும் நிறைவேற்றுங்கள். பிழைகளை ஏற்றுக்கொள்வதுடன் அவற்றைத் திருத்திக் கொள்ளுங்கள். எதுவும் செய்யாமல் நிற்பது ஒரு தவறான பிரதிபலிப்பைக் கொடுக்கும்.
சொந்தமாக செயலாற்றுவது
எங்கு வசதியாக உள்ளதோ- அங்கு நினைவில் கொள்ளுங்கள் மற்றும் சொந்தமாகச் செயலாற்றுங்கள். உங்களை நம்பலாம் என்பதை உங்கள் தொழிலகத்தில் காட்டிக்கொள்ளுங்கள்.
கற்பதற்கு ஆயத்தமாக இருத்தல்
எதையாவது கற்பதற்கான ஒவ்வொரு சந்தர்ப்பங்களையும் நீங்கள் பயன்படுத்துங்கள்.
குழுவாக சேர்ந்து செயற்படல்
மற்றவர்களுக்கு உதவுங்கள், அப்போதுதான் மற்றவர்கள் உங்களுக்கு உதவுவார்கள்.
நட்புறவு மற்றும் நடந்துகொள்ளும் விதங்கள்
நுகர்வோருடன், சக ஊழியர்களுடன் மற்றும் தொழில் வழங்குனருடன் நீங்கள் நட்புறவுடன் பழகிக் கொள்ளுங்கள். «Sie» என்று அழைப்பதற்கு அவர்கள் அனுமதிக்கும் வரை «ளுநை» என்று அழைத்துக் கொள்ளுங்கள்.
ஒழுங்காக இருத்தல்
உங்களது வேலை இடத்தை நீங்கள் துப்பரவாகவும் ஒழுங்காகவும் விட்டுச் செல்லுங்கள்.
தொடர்ந்து முயற்சித்தல்
வேலை இடைக்கிடையே உங்களுக்கு சோம்பல் தருவதாக இருந்தாலும் தொடர்ந்து செல்லுங்கள். அநேக குறிக்கோள்களை தேவைப்படும் அளவிற்கு நின்றுபிடிப்பதால் மட்டுமே நீங்கள் அடைந்து கொள்ளலாம்.
வருகைதராதிருத்தல்
மிக அவசர வேளைகளில் மட்டுமே வருகைதராதிருத்தல் ஏற்றுக்கொள்ளப்படும். உங்களால் வருகைதர முடியாவிடின் அது குறித்து தொழில் வழங்குனருக்கு உடனடியாக அறிவிப்பதுடன் அதற்கான காரணத்தையும் தெரிவித்தல் வேண்டும்.
வெளித் தோற்றம்
தொழிலுக்கு ஏற்றவாறு எப்பொழுதும் சிறப்பான பராமரிப்புடன் செல்லுங்கள். உங்களது சொந்த சுகாதாரத்தைக் கவனத்தில் கொள்ளுங்கள்.
தெளிவானவிளக்கமில்லாவிடின்
ஏதாவது உங்களுக்கு விளங்காவிடின், அதுபற்றிக் கேட்டுத் தெரிந்து கொள்ளுங்கள். கேட்பதால் உங்கள் ஆர்வம் வெளிக்காட்டப்படுவதுடன் சில பிரச்சினைகள் ஏற்படாமல் பாதுகாத்தும் கொள்ளலாம்.
எனக்கு எவ்வளவு ஊதியம் கிடைக்கும்?
சுவிஸ் சட்டம் ஆகக் குறைந்த ஊதியத் தொகை எவ்வளவு என்பதை நிர்ணயிக்க வில்லை. ஒருசில முழு தொழில் ஒப்பந் தங்கள் அல்லது சாதாரண தொழில் ஒப் பந்தங்கள் குறிப்பிட்ட தொழில் பகுதியி னருக்கு ஆகக் குறைந்த ஊதியத் தொ கையை நிர்ணயித்துள்ளன. ஊதியத்தின் தொகையை தொழிலுக்கு நியமனம் பெறும்போது தொழில் வழங்குனர் மற்றும் ஆண் அல்லது பெண் தொழிலாளர் தீர்மானித்துக்கொள்வர்.
ஒரு வேளை தொழிலை செய்ய இயலாத தடைகள் ஏற்படின், அதாவது நோய், விபத்து, இராணுவ சேவை போன்றவைகளுக்கு, தொழில் வழங்குனர் ஒரு குறிப்பிட்ட காலத்துக்கு ஊதியத்தைக் கட்டாய மாகத் தொடர்ந்து வழங்க வேண்டும் என சட்டத்தின் மூலம் உறுதிப்படுத்தப் பட்டுள்ளது. இது எவ்வளவு காலத்திற்கு வழங்கப்படும் என்பது, தொழில் ஒப்பந்தம் எவ்வளவு காலத்திற்கானது என்பதில் தங்கியிருக்கும்.; இருப்பினும் ஊதியத்தைத் தொடர்ந்து வழங்கும் கடமை,ஒரு தொழில் ஒப்பந்தம் செய்து மூன்று மாத காலத்தின் பின்பாகவே ஆரம்பிக்கும்.
நான் வேலை செய்யும்போது, மதிய உணவுக்கு யார் பணம் செலுத்துவார்?
நீங்கள் போதியளவு ஊதியம் பெற்றால், மதிய உணவுக்கான பணத்தை நீங்களே சொந்தமாகச் செலுத்த வேண்டும். நீங்கள் பிரதேச ரீதியான சமூகசேவையால் அல்லது குடிவரவு மற்றும் சிவில் உரிமைத் திணைக்களத்தால் (தங்கவைத்துப் பராமரிப்பது அல்லது தனியாட்களுக்கான தங்குமிடம்) உதவி வழங்கப்பட்டால், ஒரு நிதி உதவிக்கான விண்ணப்பத்தை செய்வதற்கு, அதற்குப் பொறுப்பான நபரோடு தயவுசெய்து நீங்கள் தொடர்பு கொள்ளுங்கள்.
நான் தனியார் வாகனத்துக்கான சாரதி அனுமதிப்பத்திரம் பெறப் பழகுவதற்கும், சிற்றூர்திப் பரீட்சை (தரம் B) செய்யவும் விரும்புகிறேன். எனக்கு நிதி உதவி கிடைக்குமா?
தரம் B சாரதி அனுமதிப்பத்திரத்தைப் பெறுவதற்கான செலவில் பங்களிப்பு செய்வதென்பது பிற்காலத்தில் ஒரு தொழிலைச் செய்வதற்கான விசேட ஊக்குவிப்பு வசதி என்பதுடன், இதற்காக பல்வேறு நிபந்தனைகள் விதிக்கப்பட்டிருக்கும். அத்துடன் அடிப்படை நிபந்தனையாக இதை தொழிலுக்குப் பாவிக்கவிருப்பதாக நிரூபிக்க வேண்டும். இவ்விடயம் குறித்து உங்கள் தொழில் பயிற்றுனரிடம் கதையுங்கள்.
வெளிநாட்டு டிப்ளோமாக்கள் எவ்வாறு அங்கீகரிக்கப்படுகின்றன?
ஒவ்வொரு வேலைக்கும் ஒரு வெளி நாட்டில் பெற்ற சான்றிதழை அங்கீகரிக்கச் செய்ய வேண்டிய தேவை யில்லை. உங்கள் வேலை சுவிசில் சான்றிதழுடன் செய்யவேண்டும் என சட்டமாக்கப்பட்ட வேலையாக இல்லா விடின், நீங்கள் வெளிநாட்டு உயர் பட்டம் அல்லது வேலைச் சான்றிதழ்களை அங்கீகரிக்கச் செய்யாமல் தொழில் புரியலாம். நீங்கள் உங்களது தொழிலைச் செய்ய முடியும் என்பது, தொழில் சந்தையின் நிலையிலும் மற்றும் எதிர்காலத்தில் தொழில் வழங்குபவரின் எதிர்பார்ப்புகளிலும் தங்கியுள்ளது. சுவிசில் பெரும்பான்மையான தொழில்கள் சான்றிதழ்களுடன் செய்ய வேண்டும் என சட்டமாக்கப்படவில்லை.
நீங்கள் கற்றுக்கொண்ட தொழில் சுவிசில் அங்கீகரிக்கப்பட்ட சான்றிதழ் களுடன் செய்ய வேண்டிய வேலையாக இருப்பின், வெளிநாட்டு பட்டம் அல்லது தொழில் சான்றிதழை ஒரு சுவிஸ் திணைக்களத்தால் அல்லது நிறுவன த்தால் அங்கீகரிக்கச் செய்ய வேண்டும். அங்கீகரிக்கப்பட்ட சான்றிதழ்களுடன் செய்ய வேண்டிய வேலைகள், அவை எவ்விதமான உயர் படிப்பு அல்லது சான்றிதழுடன் செய்ய வேண்டும் என்பது சட்ட ரீதியாகத் தீர்மானிக்கப்பட்டுள்ளது. வெளிநாட்டு பட்டம்அங்கீகரிக்கச் செய்வது சுவிசில் வெளிநாட்டுச் சான்றிதழ்களை மற்றும் தொழில்களை அங்கீகரிக்கச் செய்யும் நிலையங்கள் பல உள்ளன. Staatssekretariats für Bildung, Forschung und Innovation SBFI ன் (கல்வி, ஆய்வு மற்றும் கண்டுபிடிப்பு களுக்கான அரசசெயலரின்) இணைய த்தளப் பக்கத்தில் நீங்கள் இதற்குப் பொறுப்பான திணைக்களங்கள் மற்றும் நிறுவனங்களைப் பார்வையிடலாம்.
சுவிசில் வெளிநாட்டு உயர்படிப்பை அங்கீகரிப்பது குறித்த மேலதிக தகவல்களை மற்றும் அங்கீகரிப்பதில் செய்யப்பட்டுள்ள சர்வதேச ஒப்பந்தங்கள் குறித்த கேள்விகளுக்கு சுவிஸ் உயர் கல்லூரிகளின் அதிபர்கள் குழுவின் இணையத்தளமான swissuniversities.ch ல் காணலாம்.
வெளிநாட்டு உயர்தர பரீட்சை முடிவு கள் முழு நாட்டிலும் ஏற்றுக்கொள்ளப் பட மாட்டாது. பல்கலைக்கழகத்தில் கற்பதற்கு அனுமதி பெறுவதற்கு நேரடியாக உயர் கல்லூரிகளை தொடர்பு கொள்ளுங்கள்.
ஒரு தொழில் ஒப்பந்தத்தில் எவை ஒழுங்கு செய்யப்பட்டிருக்கும்?
தொழில் ஒப்பந்தம் தொழில் வழங்குனர் மற்றும் தொழிலாளர்களின் உரிமைகள் மற்றும் கடமைகளை ஒழுங்குபடுத்தும். தொழிலாளர்கள் தீர்மானித்துக்கொள்ளப்பட்ட வேலையை செய்வதற்குக் கடமைப்பட்டுள்ளனர், அதேவேளை தொழில் வழங்குனர் ஊதியம் மற்றும் சமூகக் கொடுப்பனவுகளை செலுத்தவும் மற்றும் விடுமுறை வழங்கவும் கடமைப்பட்டுள்ளனர். தொழில் ஒப்பந்தத்தில் ஆகக் குறைந்தது இரு பகுதியினரின் பெயர்களும் (தொழில் வழங்குனர் மற்றும் ஆண் பெண் தொழிலாளர்கள்), ஒப்பந்தம் ஆரம்பிக்கும் திகதி, செய்யவேண்டிய வேலை மற்றும் வழங்கப்படும் ஊதியத; தொகை என்பன அடங்கியிருக்கும். இரு பகுதியினராலும் ஒப்பந்தம் மூலம் உறுதிப்படுத்தப்படாத வேறு சட்டங்கள்மற்றும் விதிகள், பெயர் குறிப்பிடும்படியாக சுவிஸ் கட்டாய சட்டவிதிகள் மற்றும் முழு தொழில் ஒப்பந்தங்கள் மூலமாக ஒழுங்குபடுத்தப்பட்டிருக்கும்.
தொழில் உரிமை குறித்து எங்கு நான் தகவல்களைப் பெறலாம்?
தொழில் உரிமை ஆண் மற்றும் பெண் தொழிலாளர்களின் அதேவேளை தொழில் வழங்குனரின் உரிமைகள் மற்றும் கடமைகளை வரையறுக்கின்றது. இது அர்த்தப்படுத்துவது:
- தொழில் சட்டம் (பொதுவான சுகாதாரப் பாதுகாப்பு, தொழில்-மற்றும் ஓய்வுக்காலம்,இளையோர், கருத்தரித்த பெண்கள் மற்றும் பாலூட்டும் தாய்மார்)
- கட்டாய உரிமை (தனியான தொழில் ஒப்பந்தம் ஒன்றுசேர்ந்த தொழில் ஒப்பந்தம், சாதாரண தொழில் ஒப்பந்தம்)
- விபத்துக் காப்புறுதிச் சட்டம் (தொழி ல் பாதுகாப்பு)
சுவிசில் தொழில் புரியும் அனைத்து வெளிநாட்டுப் பிரஜைகளுக்கும் சக சுவிஸ் தொழி லாளர்களுக்கு உள்ள அதே தொழில் சட்டவிதிகள் செல்லுபடியாகும்.
என்னை தொழில் வழங்குனர் சரியாக நடத்தவில்லை என உணர்ந்தால், நான் எங்கு சென்று முறையிட முடியும்?
நீங்கள் எக் காரணத்தால் உங்கள் வேலை இடத்தில் திருப்தியில்லாதவராக உள்ளீர்கள் என்பதை, நன்றாக யோசியுங்கள். ஒவ்வொரு நிகழ்வுகளையும் நீங்கள் பதிவு செய்து கொள்வது சிறந்தது. இதுகுறித்து உங்கள் தொழில் பயிற்றுனருடன் கதையுங்கள், அவர் உங்களுக்கு ஆலோசனை மற்றும் உதவிகள் செய்வார்.
நான் தொழில் இழந்துவிட்டால், நான் என்ன செய்வது?
சுவிட்சர்லாந்தில் வசிக்கும் ஒருவர் வேலையில்லாமல் திண்டாட நேரிட்டால், அவர் வேலையற்றோருக்கான உதவித் தொகை பெறத் தகுதி உடையவராவார். எனினும், இதற்கான விதிமுறைகளை அவர் முழுமையாகப் பூர்த்தி செய்தல் அவசியம். இதற்கான அடிப்படை விதிமுறை என்னவெனில், செல்லத்தக்க வசிப்பிட அனுமதி மற்றும் வேலையிழப்புக்கு முந்தைய இரண்டாண்டு காலத்தில் 12 மாதங்கள் பணியில் இருந்திருப்பது அவசியம்.
வேலையின்மை பற்றிய கேள்விகளுக்கு விளக்கம் பெற, வேலையில்லாதோர் காப்பீட்டு நிதியம் மற்றும் வட்டார வேலை வாய்ப்பு மையங்களை (RAV) தொடர்பு கொள்ளவும்.
நீங்கள் வேலையில்லாதவராக அல்லது வேலையை இழக்கும் அபாயம் உள்ளவராக இருந்தால், பின்வருவன மிகவும் முக்கியமானதாகும்:
- நீங்கள் புதிய வேலையைத் தேடுவதற்கான முயற்சியில் இது வரையில் இறங்கவில்லை எனில் இப்போது உடனடியாக இறங்குங்கள். வேலையில்லாதோர் உதவித் தொகை பெறுவதற்கு விண்ணப்பிக்கும்போது உங்களின் வேலை தேடும் முயற்சிகளுக்கான ஆதாரங்களை சமர்ப்பிக்க வேண்டியிருக்கும். அது சம்பந்தமான கடிதப் போக்குவரத்து மற்றும் எழுத்துபூர்வ விண்ணப்ப நகல்கள், நிராகரிப்பு கடிதங்கள் போன்றவற்றை பத்திரமாக சேமித்து வைக்கவும்.
- நீங்கள் வசிக்கும் பகுதியில் உள்ள வேலைவாய்ப்பு மையத்துக்கு உடனடியாக தெரியப்படுத்தவும்.
கறுப்புவேலை என்பதன் அர்த்தம் என்ன?
எவராவது, துப்பரவாக்குதல், பிள்ளைகள் பராமரிப்பு, வீடு- மற்றும் தோட்ட வேலைகளை ஒழுங்காகப் பணம்பெற்று செய்பவராக இருந்தால், அதற்கு வெளிநாட்டவருக்கான பொலிசாரின் அனுமதி தேவை என்பதுடன் சமூகக் காப்புறுதித் திணைக்களத்தில் பதிவு செய்யப்பட்டிருக்க வேண்டும் அல்லது சொந்தமாகப் பதிவு செய்துகொள்ள வேண்டும். அவ்வாறு செய்யாது விட்டால், அது சட்ட அனுமதியற்ற வேலை அல்லது கறுப்பு வேலை எனப்படுவதுடன் சம்பந்தப்பட்ட நபர் தொழில் இழப்பு, விபத்து அல்லது தொழில் செய்ய இயலாமை என்பனவற்றுக்கு காப்புறுதி செய்யப்பட்டிருக்க மாட்டார்.