Per fugitivas e fugitivs è la lingua in instrument impurtant per dumagnar il mintgadi en il Grischun. Nua che Vus chattais infurmaziuns davart la promoziun da la lingua d’in uman fugì, co che Vus concepis a moda optimala ils inscunters d’emprender e nua che Vus chattais agid per tscherner in med d’instrucziun adattà, vegnis Vus a savair qua e sin las paginas-web menziunadas sutvart.

Jau vuless accumpagnar ina fugitiva u in fugitiv sin sia via d’emprender tudestg. Nua chat jau infurmaziuns?

Differentas organisaziuns che s’engaschan per fugitivas e fugitivs mettan a disposiziun gratuitamain sin lur paginas-web tips e materialias per voluntarias e voluntaris che vulan intermediar las emprimas enconuschientschas dal tudestg a persunas fugidas. Ina schelta chattais Vus qua:

• Okay. Vielfalt und Integration in Voralberg (Okay. Diversitad ed integraziun en il Voralberg) / Tips e materialias per l'instrucziun «Erste Sprachhilfe für Deutsch-Neulinge»
• Deutscher Volkshochschulverband (Vhs) (Associaziun tudestga da las scolas autas popularas) / Emprender tudestg - Co poss jau gidar?unterstützen? (DE)
• Miniseria da videos «Sprachbegleitung einfach machen!» cun tips d'in linguist da l'Universitad Friedrich-Schiller a Jena per exercitar la lingua cun fugitivas e fugitivs (DE)
• Centrala per meds d'instrucziun en l'internet (Germania) / PER emprender tudestg - ina plattafurma averta per emprender tudestg (DE)
• DaFür / portal dad eLearning per l'integraziun linguistica da fugitivas e fugitivs (DE)
• Flüchtlingshilfe München (Agid a fugitivas e fugitivs Minca) / carnet d'instruir e d'emprender tudestg en passa 20 linguas (DE)

Co concepesch jau ils inscunters d’emprender cun la fugitiva u il fugitiv?

Il Deutscher Volkhochschulverband (Vhs) preschenta metodas, cun las qualas Vus pudais sustegnair concretamain las fugitivas ed ils fugitivs en lur acquisiziun da las abilitads da basa linguisticas tadlar, discurrer, leger e scriver.

• Deutscher Volkshochschulverband (Vhs) (Associaziun tudestga da las scolas autas popularas) / Concepir inscunters d'emprender - tips e trics per l'accumpagnament linguistic (DE)

Tge med d’instrucziun è adattà? Tge stoss jau resguardar?

Sche Vus vulais duvrar in med d’instrucziun en il rom da l’accumpagnament linguistic, dattan las cussegliadras linguisticas dal Post spezialisà per l’integraziun gugent tips e recumandaziuns. In termin pudais Vus fixar per telefon 081 257 26 38 u per e-mail ad info@integration.gr.ch.

Recumandaziuns chattais Vus era sin differentas plattafurmas en l’internet. La schelta po depender dals suandants criteris:

• la finamira ch’ins vul cuntanscher cun l’acquisiziun dal tudestg
• il nivel linguistic da la persuna che emprenda
• la vegliadetgna da la persuna che emprenda
• il tip d’emprender
• l’impurtanza da las abilitads tadlar, discurrer, leger e scriver en il diever da la lingua
• cuntegns d’emprender che han ina relaziun cun situaziuns dal mintgadi
• materialias supplementaras sco carnets d’exercizis, tabellas da conjugaziuns, glistas da pleds, discs cumpacts, apps

Nua datti in med autodidactic gratuit d’emprender tudestg da scrittira e tudestg dialect?

L’uniun voCHabular ha elavurà cun ina gruppa da voluntarias e voluntaris da differentas naziunalitads meds autodidactics en furma d’in cudesch e d’ina app per facilitar a las persunas immigradas ils emprims pass en il mintgadi svizzer.

• Verein voCHabular (uniun voCHabular) / ulteriuras infurmaziuns